डिल्ली राम काफ्ले,
असार १७, अर्जुनचौपारी गाउँपालिकाले विभेदकारी ढंगले कृषि औजार वितरण गरेको भेटिएको छ ।
पालिकाले आर्थिक बर्ष ०७८/०७९ को बार्षिक विकास कार्यक्रम अन्तर्गत रहेर गरेको कृषि औजार वितरण कार्यक्रममा मनपरी तरिकाले वास्तविक किसानको पहिचान नगरी सामाग्री वितरण गरेको सर्वसाधारणहरुले गुनासो गरेका छन् ।
खेतीपातीको समय वास्तविक किसान जति खेतमा भएको अवसर पारी यता पालिकाले भने एकलौटी रुपमा सामाग्री वितरण गरेको बुझिएको छ ।
जनताका वास्तविक मर्म बुझ्न भनेर जनताकै अगाडी कसम खाएका जनप्रतिनिधिहरु जनताका साझा प्रतिनिधि भएर वास्तविक किसान पहिचान गर्नु भन्दा पनि आफ्ना दलका र नजिकका व्यक्ति हेरेर वितरण गरेको सर्वसाधारणहरुको गुनासो छ ।
आँफुले पालिकामा निवेदन दिए पनि आँफुलाई पन्छाएर पार्टीगत हिसाबले कृषि औजार वितरण गरेको अर्जुनचौपारी वडा नम्बर ३ का एक प्रतिनिधि किसानको गुनासो छ ।
त्यस्तै वडा नम्बर ३ कै अर्का एक किसानले सो कार्यक्रम बारे आँफुलाई थाहा नै नभएको समेत बताए । त्यस्तै वडा नम्बर ४ संगै अन्य वडाका किसानहरुले समेत आँफुलाई सो वितरण कार्यक्र बारे केहि पनि थाहा नभएको गुनासो गरेका छन् ।
यसरी कतिपय वास्तविक किसानलाई थाहा नै नहुनु र निवेदन दिएका वास्तविक किसानलाई सो कार्यक्रममा समेट्न नसक्नुले पालिकाको कार्यशैली र कार्यक्षमता माथि नै प्रश्न खडा गरेको छ ।
पालिकाले आर्थिक बर्ष ०७८/०७९ को बार्षिक विकास कार्यक्रम अन्तर्गत रहेर ५०% अनुदानमा कृषि औजार वितरण गरेको थियो । जसअन्तर्गत रहेर पालिकाले ३२ वटा कम्बाइन मिल संगै ६४ वटा हाते ट्रयाक्टर वितरण गरेको बताइएको छ ।
यता सामाजिक सञ्जालमा समेत वास्तविक किसानलाई नसमेटिएको भनि विरोध भएको छ । प्रक्रियागत रुपमा नभई जानकारी नदिई वितरण गरिएको जनगुनासो सामाजिक संजालमा भेटिएको छ :
No comments:
Post a Comment