पोखरा महानगरले बैदेशिक रोजगारीमा जानेहरुलाई लक्षित गरि खोप अभियान सुरु गर्दै

 

पोखरा महानगरपालिकाको स्वास्थ्य महाशाखाले बैदेशिक रोजगारमा जानेहरुलाई लक्षित गरि कोरोना बिरुद्दको खोप अभियान पुन सुरु गरेको छ  । 

महानगर स्वास्थ्य महाशाखाले पौष १८ गते देखि सार्वजनिक विदाका दिन बाहेक पौष मसान्तसम्म वैदेशिक रोजगारीमा जाने व्यक्तिहरुलाई लक्षित गरि जन्सन (Janssen) खोप लगाइने जनाएको हो   ।  

महाशाखाले भिजाका आधारमा समेत खोप दिइने सूचना मार्फत जनाएको छ  । त्यस्तै शहरी स्वास्थ्य केन्द्र -७ रत्नचोक मा दैनिक ३०० जनालाई खोप दिइने लक्ष्य रहेको समेत महाशाखाले जनाएको छ  । 

खोपका लागि पासपोर्ट / भिजाको फोटोकपी वा भिजाको लागि आवेदन गरेका व्यक्तिहरुका हकमा सो खुल्ने प्रमाण र आधिकारिक परिचयपत्र अनिवार्य गरिएको महाशाखाले जनाएको छ  ।