बिशेष गरेर कास्कीमा संक्रमणदर अझै पनि उच्च रहिरहेकाले भिडभाड जन्य क्रियाकलाप नगर्न जिल्ला प्रशासन कार्यालय कास्कीले आग्रह गरेको छ ।
सभा सम्मेलन , गोष्टि, जुलुस ,फुटपाथ पसलहरु , संचालन गर्न नपाइने भएता पनि डिसिएमसीको सल्लाहमा नगरी नहुने संघसंस्थाहरुले स्वास्थ्य मापदण्ड अपनाएर आफ्ना कार्यक्रम गर्न सकिने विज्ञाप्ति मा उल्लेख गरिएको छ ।
त्यसतै यो अवधिमा शिक्षण संस्था हरु पनि बन्द रहेपनि अनलाइन कक्षाहरुलाई भने यथावत रुपमा संचालन गर्न सकिने छ। विश्व विधालय, लोकसेवा, र अन्य भौतिक रुपमा संचालन हुने परिक्षाहरु पनि संचालन गर्न नपाइने बताइएको छ ।
त्यसै गरि बिभिन्न व्यवसायहरु भने सामाजिक दुरी अपनाउदै बेलुका ९ बजेसम्म संचालन गर्न पाइने छ ।
त्यसैगरी सार्वजनिक तथा निजि सवारी साधनहरुले पनि सिट क्षमता भन्दा बढी यात्रु राख्न पाइने छैन भने सवारी साधनमा स्वास्थ्यका मापदण्ड पूर्ण रुपमा पालना भएको हुनुपर्ने बताइएको छ ।
प्रमुख जिल्ला अधिकार थानेश्वर गौतमका अनुसार यदि जिल्लाले भने बमोजिम नगरेको पाइएमा कानुन अनुसार कारबाही हुने हुनेछ ।
विज्ञप्तिको पुरा विवरण :
No comments:
Post a Comment