गएको बर्ष जिल्लाभरका स्थानीय तहमा ५० करोड ६६ लाख ९३ हजार बजेट अनियमित रुपमा खर्चिएको पाइएको हो ।
प्रतिशतको आधारमा जिल्लाको सबैभन्दा बढी बेरुजु अर्जुन चौपारी गाउँपालिकामा देखिएको छ भने सबैभन्दा कम कालीगण्डकी गाउँपालिकामा देखिएको छ । जस अनुसार अर्जुनचौपारी गा.पा. मा ७.७६ प्रतिशत देखिएको छ भने कालीगण्डकी गाउँपालिकामा ०.८९ प्रतिशत रहेको तथ्यांक छ ।
गएको २ बर्षको प्रतिवेदनमा अर्जुन चौपारी र हरिनास गाउँपालिकामा बेरुजु बढेको देखिएको छ भने फेदीखोला, आधिँखोला, विरुवा र कालीगण्डकी गाउँपालिकामा घटेको तथ्यांक छ ।
महालेखा परीक्षकको प्रतिवेदनमा उल्लेख भएअनुसार पुतलीबजार नगरपालिकामा ६ करोड १९ लाख ९९ हजार ,गल्याङ नगरपालिकामा पाँच करोड ७६ लाख ५१ हजार, चापाकोट नगरपालिकामा रु एक करोड ७६ लाख १२ हजार, भीरकोट नगरपालिकामा २ करोड ३५ लाख १६ हजार , वालिङ नगरपालिकामा २ करोड ८६ लाख ९७ हजार बेरुजु देखिएको छ ।
त्यस्तै अर्जुनचौपारी गाउँपालिकामा ४ करोड ४७ लाख ४० लाख , आँधीखोला गाउँपालिकामा एक करोड १७ लाख ९१ ,कालीगण्डकी गाउँपालिकामा ९ करोड ८७ लाख , फेदीखोला गाउँपालिकामा एक करोड ३३ लाख ५५ हजार , विरुवा गाउँपालिकामा १ करोड ८१ लख ५३ हजार , हरिनास गाउँपालिकामा दुई करोड ५२ लाख ६५ हजार बेरुजु देखिएको महालेखाको प्रतिवेदन उल्लेख छ ।
No comments:
Post a Comment