करिब २७ बर्ष अगाडी देखि संचालमा आएको उक्त अस्पतालको न त नक्सा नै पास भएको छ न त बक्यौता सम्पत्ति कर नै तिरिएको छ ! अस्पतालले नक्सा पासको काम देखि लिएर बक्यौता सम्पति कर सम्म गर्दा करिब ९७ करोड ६० लाख रुपैयाँ तिर्नुपर्ने हुन्छ ।
१९९२ अक्टोबर देखि नेपाल सरकार र भारतको मणिपाल एजुकेसन एन्ड मेडिकल ग्रुप बीच ४९ वर्षसम्म मेडिकल कलेज सञ्चालन गर्ने सहमति भएर त्यसपछि नेपाल सरकारलाई हस्तान्तरण गर्ने गरी सम्झौता भएको थियो ।
१ हजार १ सय कर्मचारी कार्यरत रहेको उक्त अस्पतालले पोखरा महानगरलाई मात्रै २१ करोड ७० लाख रुपैयाँ बराबरको रकम बुझाउनै बाँकी छ । त्यति मात्र नभएर अस्पतालले पोखरा महानगरलाई वार्षिक सम्पत्ति करबापत पनि करोडौं रुपैयाँ बराबरको रकम बुझाएको छैन ।
निरन्तर राज्यलाई बुझाउनु पर्ने कर तिर्न आनाकानी गरिरहेको अस्पताल प्रशासनले नेपाल सरकारसंग ४९ वर्षपछि सरकारलाई फिर्ता गर्ने सम्झौता भएपनि मिति भन्दा अगाडी नै अस्पताल बिक्रि गरेको हो ।
No comments:
Post a Comment