राम बहादुर रोकाहा / स्याङ्जा
स्याङ्जा जिल्लाको प्रहरी कार्यालयका प्रहरी कर्मचारीले विभिन्न मितिमा मोटरसाइकल चोरीका आरोपितलाई पक्राउ गरेको छ ।
वडा प्रहरी कार्यालय वालिङ् स्याङ्जाका प्रहरी निरीक्षक हरि प्रसाद पौडेलको कमाण्डमा खटिएका मातहतको प्रहरी टोलिले विभिन्न मितिमा चोरी भएका मोटरसाइकलहरुको खोजतलास गर्ने क्रममा चोरीमा संलग्न चार जनालाई पक्राउ गरेको हो ।
मोटरसाइकल चोरेको आरोपमा पक्राउ पर्ने रुपन्देही जिल्लाको बुटवल उपमहानगरपालिका-११ का २८ वर्षीय प्रकाश सिन्धौली (सार्की) र वडा नम्बर -१२ का ३४ वर्षीय विष्णु बहादुर नेपाली सहित स्याङ्जा भिरकोट नगरपालिका वडा-२ का २० वर्षीय ज्ञान बहादुर गुरुङ र २० वर्षीय विप्लव श्रेष्ठ रहेको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक राजेन्द्रप्रसाद अधिकारीले जानकारी दिनुभयो ।
डिएसपी अधिकारीका अनुसार उनीहरुबाट विभिन्न कम्पनीका ७ थान मोटरसाइकलहरु र २ थान स्कुटर बरामद भएको हो । उनीहरुलाई चोरी मुद्दा दर्ता गरि थप अनुसन्धानको निमित्त जिल्ला अदालत स्याङ्जाबाट म्याद थप गरि अनुमती समेत लिएको डिएसपी अधिकारीले बताउनुभयो ।
No comments:
Post a Comment