स्याङ्जामा सोमबार साँझ जिप दुर्घटना हुँदा छ जना घाइते भएका छन् ।
चापाकोट नगरपालिका वडा नम्बर ७ पाङ्लुङ्गबाट हरिनास गाउँपालिका ६ क्याक्मी जाँदै गरेको जीप पाङ्लुङ्गमा दुर्घटना हुँदा छ जना घाइते भएका हुन् ।
प्रहरीका अनुसार ग २ च १३५९ नम्बरको जीप सडकबाट करिव १ सय मिटर तल तल खसेको थियो ।
घाइते हुनेहरुमा रामपुर ४ का ३७ वर्षीय खुम बहादुर क्षेत्री, पाल्पा, रामपुर ५ की ५२ वर्षीय ज्ञानुमाया राना, १८ वर्षीय सरिता मानन्धर र ३७ वर्षीय विना थापा रहेका छन् ।
त्यस्तै स्याङ्जा हरिनास गाउँपालिका ६ का जीप चालक बर्ष २२ का अशोक कुमार मानन्धर र सहचालक बर्ष ३० का तीर्थ नारायण मानन्धर रहेको प्रहरीले जनाएको छ ।
दुर्घटना सम्बन्धमा थप अनुसन्धान भइरहेको प्रहरीले जनाएको छ ।
No comments:
Post a Comment