बिहिबार पछिल्लो २४ घण्टामा नेपालमा एक हजार १६५ जनामा कोरोना संक्रमण पुष्टि भएको छ । सो अवधिमा ११ हजार २०८ आरटीपीसीआर परीक्षण गरिएकोमा एक हजार १६५ जनामा सङ्क्रमणको पुष्टि भएको हो ।
स्वास्थ्य तथा जनसङ्ख्या मन्त्रालयले सोही अवधिमा तीन हजार ९७१ वटा एन्टीजेन परीक्षण गर्दा ३४६ जनामा सङ्क्रमण पुष्टि भएको जनाएको छ ।
नेपालमा कोरोना सङ्क्रमणमुक्त हुने दर ९५.३ प्रतिशत रहेको स्वास्थ्य मन्त्रालयले जनाएको छ । पछिल्लो २४ घण्टामा एक हजार ६८९ जना कोरोनामुक्त भएको स्वास्थ्य मन्त्रालयले जनाएको छ । योसँगै कुल सङ्क्रमण मुक्त हुनेको सङ्ख्या ७४ लाख ५२ हजार १५ रहेको छ ।
यसैगरी पछिल्लो २४ घण्टामा ११ जना सङ्क्रमितको मृत्यु भएको छ । हालसम्म ११ हजार दुई जना सङ्क्रमितले ज्यान गुमाएका छन् ।
No comments:
Post a Comment