बिभिन्न ११ देशका राजदुत पोखरा आइपुगेका छन् । विश्व पर्यटन दिवसका आवसरमा गण्डकी प्रदेश सरकारको निमन्त्रणामा बिभिन्न कूटनीतिक नियोग र विकास साझेदार संस्थाका प्रतिनिधिसहित २५ जनाको टोली पोखरा आइपुगेको हो ।
भ्रमण टोलीमा संयुक्त राष्ट्रसंघकी रेजीडेन्ट कोअर्डिनेटर, सार्कका महासचिव, यूएनएड्सका कन्ट्री डाइरेक्टर, इसिमोडका महानिर्देशक, अन्तर्राष्ट्रिय आप्रवासी संगठनकी चिफ अफ मिसन, यूएनडीपीका प्रतिनिधि, यु विश्व खाद्य कार्यक्रमका कन्ट्री डाइरेक्टर र नेस्कोका प्रतिनिधि लगायतको सहभागिता छ ।
त्यस्तै परराष्ट्र मन्त्रालयको संयोजनमा आएको टोलीमा उत्तर कोरिया, दक्षिण कोरिया, फिनल्यान्ड, यूएई, बंगलादेश, कतार, मलेसिया साउदी अरब, श्रीलंका, थाइल्यान्ड, जर्मनी र इजिप्ट का राजदूत सहभागी छन् ।
भोलिनै टोलीले पोखराका मुख्य स्थानको भ्रमण गर्ने बताइएको छ भने उनीहरु रेवानले आयोजना गरेको एक दिवसीय सडक महोत्सवमा समेत सहभागी हुने कार्यक्रम रहेको छ ।
No comments:
Post a Comment