भाद्र ४, अफगानिस्तानको राजधानी काबुलमा गएको सोमबार अमेरिकी सेनाको कार्गो विमानबाट खस्दा ज्यान गुमाउने मध्ये एक जना फुटबल खेलाडीको पनि ज्यान गएको पुष्टि भएको छ ।
अफगानिस्तानका अधिकारीहरुले पुष्टि गरे अनुसार १९ वर्षका जाकी अन्वारीको ज्यान गएको । अन्वारी राष्ट्रिय युवा टोलीका खेलाडी थिए ।
विमानबाट खसेर ज्यान गुमाउनेमध्ये उनी पनि एक भएको उनीहरुले बताएका हुन् । अन्वारी राष्ट्रिय युवा टोलीका खेलाडी थिए । उनको ज्यान कहिले गयो भन्नेबारे थप खुलाइएको छैन ।
विद्रोही समूह तालिबानले अफगानिस्तान नियन्त्रणमा लिएपछि जाकी अन्वारीले पनि देश छोड्न चाहेका थिए ।
विमान उडेपछि विमानबाट केही व्यक्ति खसेको भिडियो सार्वजनिक भएको थियो । घटनाको सम्बन्धमा थप अनुसन्धान भइरहेको बीबीसीले जनाएको छ।
No comments:
Post a Comment